Sobre a Unión Europea

A UNIÓN EUROPEA é unha orgnización internacional formada actualmente por 27 estados. Inicialmente estaba constituída por seis países que constituíron a C.E.E. (Comunidade Económica Europea).
Foise ampliando en sucesivas ocasións. 
En 1973 o Reino Unido, Dinamarca e Irlanda entraron a formar parte da CEE. 

En 1981 foi Grecia quen fixo o seu ingreso, e en 1986 España e Portugal. En 1995 entraron Austria, Finlandia e Suecia. En 2004, a República Checa, Chipre, Eslovaquia, Eslovenia, Estonia, Letonia, Lituania, Hungría, Malta e Polonia. Finalmente, en 2007 fixérono Bulgaria e Romanía.
En 1992 asinaron un tratado, Tratado de Mastrich ou da Unión, mediante o que se constituían na Unión Europea.

PREME NA IMAXE PARA ENTRAR NA PÁXINA DA UNIÓN EUROPEA E COÑECER MÁIS COUSAS

ATRÉVETE A XOGAR máis para coñecer mellor a Unión europea

Factores que definen o clima

Cando dicimos que Galicia ten un clima oceánico e Barcelona, mediterráneo estamos basándonos nunha serie de datos observables e medibles:

• As precipitacións nas súas diversas formas. 


• A humidade e a evaporación.


• A temperatura. Podemos medir varios aspectos importantes como son as temperaturas medias anuais ou a oscilación térmica estacional ou diaria, é dicir a diferencia que hai entre a temperatura máxima e a mínima. 



• A presión atmosférica, o peso do aire nese lugar, que ten importancia na formación de correntes de aire. 




Estes datos soen organizarse en táboas e gráficas para ver mellor as variacións. Son os chamados climogramas, nos que aparecen os datos de precipitacións e temperaturas.

 

O climograma ten dous eixos de coordenadas unidos, o da esquerda soe indicar as temperaturas e o da dereita as precipitacións. As primeiras mídense en graos centígrados e as segundas en mm. (Cada milímetro equivale a 1 litro por metro cadrado.

Na barra horizontal represéntanse os meses do ano., de xeito que poidamos ver as temperaturas e as precipitacións de cada mes.

As precipitacións represéntanse por medio de columnas e as temperaturas por medio dunha liña.

O tempo e o clima

Que diferencia existe?

O tempo é o estado da atmósfera nun lugar nun periodo curto de tempo, uns días. Hoxe hai un tempo magnífico. O tempo pode estar moi bo no inverno e malo no verán.

O clima sería ese estado ao longo de moito tempo.

No clima inflúen unha serie de factores de diferentes tipos:

• Xeográficos:

   

  • A latitude que inflúe na insolación e na circulación atmosférica e na diferenciación estacional do tempo.
    
  • A proximidade ao mar.
     

  • 

    Esquema do efecto Foehn

    A altitude.
     
  • O relevo (Efecto Foehn)
    
    
    
    

    

    Foto na que se aprecia o efecto Foehn

    
    
    
    

• Atmosféricos:

  • 
    Ciruculación xeral da atmósfera tanto na superficie como na altura. Como exemplo poderiamos pensar nas gotas frías.