A materia

Xa vimos na clase as propiedades da materia.
 

Agora toca a repasar un pouco para aclarar os conceptos de materia, as características e as propiedades. Para iso pode ser de gran utilidade entrar nestes dous enlaces:

As características da materia.

A materia ten tres estados posibles: sólida, líquida e gasosa. Pero a materia ten propiedades diferentes para cada estado. Podemos cambiar o estado sólido, líquido ou gasoso da materia.

Pero esas propiedades poden cambiar, ás veces temporalmente, e outras, para sempre

Os seres humanos e os ecosistemas

Vimos na clase como as actividades humanas inflúen no ecosistema.

Nesta animación veremos de forma resumida como poden influír negativamente afectando gravemente aos ecosistemas e ao medio natural.

A contaminación debida ao uso de combustibles fósiles (carbón, petróleo, gasolina, gasoil...) provoca unha acumulación de carbono na atmosfera.




Pero hai accións humanas que resultan positivas para a conservación do medio natural.

Parasitismo

Os parásitos viven aloxados noutro ser vivo aproveitándose del para alimentarse. Aínda que a súa intención non é danar ao ser que o acolle, poden provocar problemas de saúde.
Os máis coñecidos son os piollos,pero hai máis: atenia ou solitaria, os oxiuros, etc.
Este vídeo está en alemán pero podemos ver nas imaxes como chega un piollo á cabeza e como fai a posta dos ovos ou lendias.

Simbiose e mutualismo

Dentro dunha especie de animal como a formiga que vive en grupo, imos ver un caso de simbiose, é dicir, os dous elementos sacan beneficio da súa relación.



Outro caso é o dos animais limpadores. O máis coñecido é a rémora que convive cos tiburóns. Este é outro exemplo de peixe limpador que recibe "autorización" para achegarse a calquera parte do corpo doutro, mesmo na boca.

Relacións dentro do ecosistema

Que é un ecosistema?

Para entender o que é un ecosistema é importante entender este cadro.


Pero para ver como funciona, preme aquí.

ECOSISTEMAS

Os arrecifes de coral, un exemplo de ecosistema.
Os arrecifes son consecuencia dunhas circunstancias (Por exemplo, o fundimento dun barco) e da aparición de seres vivos e da relación que se establecen entre eles.

A fecundación

A reprodución humana require que se realice o acto sexual. Despois diso, pode producirse a fecundación.
Preme no debuxo para coñecer con detalle como se produce.
Despois diso vén o embarazo.

Como se desenvolve o feto no interior da nai? Aquí tes a resposta
Todo remata no parto.

Reproducion humana

A reprodución sexual das plantas

 A POLINIZACION

Hai dous tipos de polinización, polos insectos e polo vento.

• POLINIZACION POR INSECTOS

Prodúcese nas flores grandes e vistosas que producen un líquido doce, o néctar, que atrae aos insectos. Os insectos cando van ás flores polo néctar, péganselles grans de pole ás patas e deposítanos noutras flores cando as visitan.

• POLINIZACION POLO VENTO

Neste caso as flores teñen moito pole que é transportado polo vento e así algún gran de pole cae noutras flores e prodúcese a polinización. Neste caso,  como estas flores non teñen que atraer aos insectos adoitan ser pequenas e pouco vistosas e moitas delas carecen de corola.
 

FECUNDACIÓN

Os grans de pole chegan ao pistilo e péganse á parte superior. A continuación, producen un tubo que atravesa o ovario ata chegar aos óvulos. Por el baixan os espermatozoides que hai no gran de pole e fecundan os óvulos que se atopan no interior dos rudimentos de semente.

FORMACIÓN DA SEMENTE

Tras a polinización o seguinte paso é a formación da semente e o froito.

O óuvlo convértese en cigoto e medra grazas aos alimentos que os óvulos gardan no seu interior. Ao medrar, o cigoto transfórmase en embrión, é dicir unha planta en miniatura.

O froito fórmase a partir do ovario. No seu interior atópanse as sementes. A súa función é protexelas e axudarlles a que se dispersen é dicir a que viaxen lonxe da súa planta nai

A XERMINACIÓN

O ultimo paso da reprodución ocorre cando a semente cae a terra e as condicións son as adecuadas, pois prodúcese a xerminación.

Fases da reprodución sexual dos seres vivos

FASES DA REPRODUCIÓN SEXUAL

Plantas	Animais
Polinización e fecundación.	Produción de gametos nos testículos e ovarios
Formación do froito e da semente	Fecundación. Interna e externa
Xerminación da semente	Desenrolo do cigoto: Ovípara ou vivípara.

A reprodución das plantas

A REPRODUCCIÒN SEXUAL DE LAS PLANTAS

As flores son os órganos reprodutores das plantas.

A parte masculina das plantas son os estames, teñen un avultamento na punta que se chama antera, e é onde se produce o pole.

A parte feminina das plantas é o pistilo que ten abaixo unha parte mais ancha onde esta o útero dentro o ovario.

Os estames e o pistilo están rodeados pola corola e o cáliz.

Queres saber algo máis? Preme aquí.

Os tipos de reprodución

TIPOS DE REPRODUCIÓN
REPRODUCIÓN SEXUAL	REPRODUCIÓN ASEXUAL
Máis de un proxenitor.	Realízaa un só proxenitor.
Interveñen órganos reprodutores e células sexuais ou gametos.	Non interveñen órganos reprodutores nin células especializadas.
Os novos individuos son diferentes aos seus proxenitores e entre si.	Os descenentes son idénticos entre si e ao proxenitor.
	Seres unicelulares, Animais (Fragmentación ou xemación) Plantas

-->

Avantaxes e desavantaxes das formas de reprodución

Avantaxes da reprodución sexual

• A reprodución sexual require dous individuos da mesma especie, e a maduración dos gametos ou células sexuais.
• Os gametos fusiónanse orixinado unha mestura do material xenético contido en ambas as células sexuais, a masculina e a feminina.
• A continua combinación dos xenes incrementa as posibilidades de cambios no organismo, orixinando organismos máis sans e especies mellor adaptadas ao medio.
• A combinación dos xenes asegura que vai haber menos posibilidades de que as enfermidades e os defectos dos pais se transmitan aos fillos.

Desvantaxes da reprodución sexual

• A reprodución non pode levarse a cabo a menos que os gametos de ambos proxenitores se fusionen.
• Soamente as femias teñen a capacidade de xestación.
• Non hai garantía de que o núcleo do gameto masculino e o fenminino se unan despois do apareamento.
• O tempo necesario para producir un fillo por reprodución sexual é moi longo.

Avantaxes da reprodución asexual

• Unicamente se necesita un proxenitor para realizar todo o proceso de reprodución asexual. Por tanto, é moi sinxela.
• Na meirande parte dos casos pódese estar seguro de que se vai producir un descendente.
• O periodo de xestación é moi curto.
• O fillo ten a mesma constitución xenética do proxenitor.
• Un único individuo pode repoboar un novo territorio.
• As posibilidades de fracaso son escasas.

Desvantaxes da reprodución asexual

• A gran desavantaxe está na selección natural, dado que os individuos son xeneticamente tan parecidos que ningún deles ten mellores condicións para sobrevivir que os demais aos cambios ambientais. Por tanto, en caso de cambios bruscos ou extremos, se un non sobrevive, tampouco o poderían facer os demais polo idénticos que son uns a outros.
• O proxenitor transmite aos seus descendentes a súa estrutura xenética, e con ela as mesmas enferidades e defectos que ten.
• Ao non haber combinación xenética os cambios son moi poucos.

A reprodución dos seres vivos

Unha das preguntas que nos fixemos era sobre a reprodución dos caracois. Os caracois son hermafroditas, é dicir que son machos e femias ao mesmo tempo. Pero fecúndas a si mesmo?

Vexamos.

Economía

Estamos afeitos a falar da CRISE, de economía, de bancos, de rescates, de PREFERENTES e SUBORDINADAS. Efectivamente a economía é algo moi importante e nas próximas semanas imos ver como funciona. Para empezar, debemos saber que a economía é todo o que ten que ver co diñeiro, coa produción de bens, a compra, distribución e venda deses bens. Tamén ten que ver con outras cousas que non se fabrican pero que nos facilitan servizos como a educación, a sanidade, a protección dos nenos, dos anciáns, etc.
Todo o que a nosa familia fai co diñeiro que gañan, a súa administración tamén forma parte da economía, dunha economía máis pequena, que non ten grandes cantidades de diñeiro, pero máis importante porque afecta á nosa propia vida e á nosa supervivencia.

Imos empezar por deixar claros algúns conceptos. Preme nesta ligazón ou na imaxe e verás a explicación dalgúns dos máis básicos.

Os sectores económicos

Para entender as actividades económicas e os sectores económicos resultará de gran interese este vídeo. É moi claro.

A moeda e os bancos

Sinxelo documental para entender como apareceu a moeda e os primeiros bancos.